முன்னீர்பள்ளம் முத்தமிழ் பப்ளிக் பள்ளியில் வான்புகழ் வள்ளுவன் ஐயன் திருவள்ளுவர் திருவுருவச் சிலை திறப்பு விழா வெகுவிமரிசையாகக் கொண்டாடப் பட்டது. இவ் விழாவிற்கு சிறப்பு விருந்தினராக மாவட்ட ஆட்சித் தலைவர் திரு. கார்த்திகேயன் அவர்களும், வி. ஜி. பி குழுமத்தின் தலைவரும், உலக தமிழ்ச்சங்கத்தின் நிறுவனருமான திரு. சந்தோசம் அவர்களும், குழந்தைகள் நல மருத்துவர் டாக்டர் வி.டி.ராஜேஷ் அவர்களும் கலந்துகொண்டு விழாவைச் சிறப்புச் செய்தனர். இவ் விழாவில் மழலையர் பிரிவு மாணவர்கள் திருவள்ளுவர் போல வேடமணிந்து ஐயன் உருவச்சிலைக்கு அருகில் அமர்ந்திருந்தது பார்ப்பதற்கு மிக அழகாக இருந்தது. இவ் விழாவில் மாணவர்களின் நடனம், பேச்சு, நாடகம், பாட்டு ஆகிய அனைத்து நிகழ்வுகளும் கண்ணைக் கவரும் விதமாக இருந்தது. இவ் விழாவின் சிறப்பு அம்சமாக திருக்குறளில் இருந்து வினாடிவினா நிகழ்ச்சி நடத்தப்பட்டது. இதில் மாணவர்கள் உற் சாகமாகக் கலந்துகொண்டனர். மேலும் பெற்றோர்களும் கலந்து கொண்டு விழாவைச் சிறப்புச் செய்தனர். விழா ஏற்பாடுகளை பள்ளியின் முதல்வர் திருமதி மேரி ராணி மற்றும் ஆசிரியர்கள் சிறப்பாகச் செய்திருந்தனர்.
